Banner

Banner

Titulli Kastriot Tusha - Dedikuar Pjeter Gaci
Ndëgjuar 2,661
Shkarkuar 74
Pëlqyer 23
Publikuar 18/02/2017

Loading...
Informatat e këngës
Dedikuar kompozitorit Pjetër Gaci
teksti: Aneta Gaci Broci
muzika: Gjergj Leka
orkestroi: Gent Myftaraj

Pjetër Gaci lindi më 27 mars 1931, në fshatin Shirq të rrethit të Shkodrës. Në fshatin e lindjes kreu arsimin fillor. Studimet për violinë i nisi në Liceun Artistik "Jordan Misja", në vitet 1948-1952, për t'i vazhduar në Konservatorin e Moskës “Pjotr Iliç Çajkovski” (Pyotr Ilyich Tchaikovsky) në të cilin edhe u diplomua në pranverë të vitit 1967.
Në vitin 1967, bëhet drejtor i Cirkut , Estradës dhe i Teatrit të Kukullave të Tiranës.
Në vitin 1970, është kompozitor në krijimtari të lirë dhe pas vitit 1976 vendoset përfundimisht në Shkodër, ku krahas kompozimit u përkujdes edhe për klasën e violinës në shkollën e mesme artistike "Prenk Jakova" të këtij qyteti.
Pjetër Gaci ka kompozuar koncertin e parë për violinë në historinë e muzikës shqiptare, baladën e parë për violinë dhe piano. Ka qënë anëtar i Trios së parë instrumentale (pranë TOB, 1956).
Prirja kryesore në krijimtarinë e tij do të mbetet muzika vokale, në të cilën ka lënë shembuj të paharruar veprash që nga kënga e deri tek opera, si opera "Toka jonë", "Përtej mjegullës", kantata "O moj Shqipni, e mjera Shqipni", këngët "Për ty Atdhe", dhe "Gryka e Kaçanikut".
Në vitin 1989, Pjetër Gacit i akordohet titulli "Artist i Popullit". Ndahet nga jeta më 27 mars 1995.

Në syrin e qiellit ngjyrë gri, pikoj loti
n' dëborën e bardhë, buzqeshjet u ngrinë
qetësinë e nan's, e rrëmbeu moti
pranvera përshëndeti, plot nostalgji.

Por..ora ndaloi, vetëm për një cast
një natë pranvere, pa zbardhë agimi
n'dritaren e hapur, që mbeti pas
ngjyrat e ylberit, filluan të ndrinin

Hap dritaren në mesnat',
kundërmoi era e zamakut
ndërsa yjet varg e varg
këndonin kangën e marakut.

ujrat e Liqenit t' Shkodrës
filluan të murmurijnë
kërkojn' birin e tyre
ti zgjojë me violinë.

Ora ndaloi, vetëm për një cast
heshtjen e natës, violinat po e thynin
Për Ty Atdhe, ma t' buk'rin vals
valsin që jeton, bashkë me njerezimin

Hap dritaren në mesnatë,
kundërmoi era e zamakut
ndërsa yjet varg e varg
këndonin Kangën e Marakut.

ujrat e Liqenit t' Shkodrës
filluan të murmurijnë
kërkojn' birin e tyre
ti zgjojë me violinë.

Buz'qesh i lumtun, nga lart kur shikjon
në detin e muzikës, varka jote lundron
shpirti i mirë, e ndjen aromën nga lart
qe kundërmon në mbarë botën...
...si lule zamak
Loading...

Shkarko.me tani me applikacion për Android dhe iOS.

Instalo tani!

Google PlayApple Store

Loading...

Shkarko.me tani me applikacion për Android dhe iOS.

Instalo tani!

Google PlayApple Store