Banner

Banner

Titulli Elita Reci - Ku Je Ti
Ndëgjuar 24,604
Shkarkuar 712
Pëlqyer 86
Publikuar 27/08/2009

Informatat e këngës
Asnjë fjalë nuk mund ta përshkruajë mallin dhe pikëllimin që ndjejmë çdo ditë e më shumë për ty.
Asnjëherë nuk do të harrojmë inkurajimin tënd të sinqertë e dashamirës, fjalën tënde të matur, që rrezatonte plot dije e mençuri. Ti ishe gjithmonë pranë nesh dhe nënës.
Zemrat tona akoma ndjejnë dhimbje teksa pëshpërisim na mungon dhe na nevojitesh shumë. Të gjithë kujtimet që kemi janë shumë të forta, mendojmë vazhdimisht për to dhe kohën që kaluam bashkë, shpeshherë shohim fytyrën tënde teksa mbyllim sytë, ndonjëherë na duket sikur e dëgjojmë edhe zërin tënd por pa përgjigje.
Çfarë ndodhi me ditët kur ishim bashkë, kur ishim fëmijë dhe jetën e kalonim me ty, në dashurinë tënde dhe në buzëqeshjen tënde...Kush do të na qëndrojë pranë tani kur kemi aq shumë nevojë!?
Fytyra jote e dashur dhe e ëmbël nuk do të harrohet kurrë, do të kujtojmë aq sa zgjat jeta dhe kujtimet. Ti do jetosh i gjallë për jetë në zemrën dhe shpirtin e çdokujt, ashtu siç ishe, i mirë, i buzëqeshur, i dashur, zemërgjërë dhe human.
Të lutem dije që të kemi dashur dhe do të duam gjithmonë, vitet mund të vijnë dhe të shkojnë por kujtimi për ty nuk do të zbehet kurrë.
Gjithmonë do ta kujtojmë atë buzëqeshje të veçantë, atë zemër që kujdesej për ne, atë përqafim të ngrohtë, ti ishe gjithmonë aty, për ne dhe nënën, në kohë të mira dhe të vështira. Kujtimi yt është dhurata më e bukur prej së cilës nuk do të mund të ndahemi kurrë.
Ndërsa shohim prapa në kohë pyesim veten a të falenderuam mjaftueshëm për gjithçka bëre për ne? Për të gjitha rastet që ishe pranë nesh, për të na ndihmuar dhe përkrahur, për të festuar sukseset tona, për të kuptuar problemet tona, për të na mësuar sipas shembullit tënd, vlerën e punës së vështirë, gjykimin e drejtë, kurajon dhe ndershmërinë... nëse harruam të të tregojmë mirënjohjen tonë të mjaftueshme për gjithçka që bëre për ne.
Vdekja jote na la një dhimbje që askush nuk mund ta shërojë, ndërsa dashuria jote një kujtim që askush nuk mund të na e marrë.
Thonë që koha shëron plagë, por jo koha ndoshta i zbut ato por nuk i shëron krejtësisht, sepse mungesa jote në çdo hap që ne e bëjmë ndjehet për çdo ditë e më shumë. Fjala, dashuria, ngrohtësia që na dhuroje sa herë që vinim dhe vije, do të na mungojë gjithmonë sa të jetë jeta. Mbetemi duke të kujtuar ashtu siç ishe krenar, fjalëmirë plot humor dhe dashuri për të gjithë dhe ndaj të gjithëve.
Kujtimi për ty është dhe do të jetë i përjetshëm.
Atë që e duam nuk vdes, ai ec bashkë me ne çdo ditë, i pa vërejtur, i pa dëgjuar por gjithmonë pranë nesh.Nëse dashuria jonë do kish mundur të të shpëtonte, ti do kishe jetuar përgjithmonë

Shkarko.me tani me applikacion për Android dhe iOS.

Instalo tani!

Google PlayApple Store

Shkarko.me tani me applikacion për Android dhe iOS.

Instalo tani!

Google PlayApple Store